Mama

Penyair : Gusty Masan Raya

Karikatur By Lissa Yeimo

Torang su tra muda, torang su tra muda
Merantau jauh di Ujung Pandang
Buah matoa deng papeda
Ko beri kitong makan sambil berdendang
Dari dulu-dulu e……

Itu noken masih melengkung di ko pu jidat
Labu, keladi, petatas, sayur deng ikan azar
Mama ko kan yang kemarin bernazar
Kalau kitong tak bisa lapar di kitong pu tanah adat
Kitong tra lupa itu….

Pulang pasar ko pu keringat masih basah
Lepas noken masak sagu deng ikan kuah
Yang ko bilang itu benar sudah
Kalau rusak susu tanda petaka
Kitong susah, kitong celaka

Duduk di kamar lihat ko pu gambar, mama yo
Hati jadi susah mata berat tahan isak
Ko su jalan pigi mama….ko su jauh…..
Trada matoa, trada sagu deng ikan kuah buatanmu
Kitong masih menunggu waktu bertemu lagi